Башҡортостан Республикаһы көнөн билдәләү алдынан Новониколаевка ауылы төп дөйөм белем биреү мәктәп- интернатында тирә- яҡты таҙартыу буйынса киң өмә үтте. Өмәлә мәктәптең барлыҡ хеҙмәткәрҙәре һәм юғары класс уҡыусылары ҡатнашты. Газондарға ҡойолған япраҡтар, ҡороған ағас ботаҡтары йыйылды, мәктәпкә илткән тротуар һәм ишек алды майҙансығы һеперелде. Мәктәп яны көҙгө сүп- сарҙан тотош таҙартылды. Үҙ эшеңдең яҡшы һөҙөмтәһен күреү барлыҡ өмәселәрҙең дә күңелен күтәрҙе. Хәҙер көҙ миҙгеле алып килгән барлыҡ сүп- сарҙан таҙарып ҡалған мәктәп яны балҡып, күҙҙең яуын алып тора.