Бөгөн мәктәп - интернатыбыҙҙа"Башҡорт теле йылы" сиктәрендә " Теле барҙың - иле бар" тип исемләнгән туған тел тураһында шиғыр уҡыусылар флешмобы булып үтте. Уның девизы итеп Рәми Ғариповтың:

"Туған телем тыуған еремдә

Яңғыраһа мәңге йыр булып,

Һис үкенмәҫ инем, гүремдә

Ятҡанда ла ҡара ер булып ..."

тигән шиғыр юлдары алынды.

Башҡорт теленең киләсәге – йәш быуын ҡулында. Әгәр һәр беребеҙ телебеҙҙе яратып өйрәнһә, башҡаларҙың да ихтирамын яулай алһа, ул мотлаҡ йәшәр! Ә телебеҙ булһа, милләт йәшәй, туплана, тел ярҙамында киләсәккә юл яра.